‘आप’ मतलब

‘आप’ मतलब

आप-म्हणजे आम आदमी पार्टी. या पार्टीच्या स्थापनेपासूनच ही पार्टी काँग्रेसचे प्रॉडक्ट आहे असा संशय होताच. म्हणजे जेव्हा पत्रकार परिषद घेवून रॉबर्ट वढेरा याच्यावर आरोप केले आणि नंतर त्यावर मौन राखले. दुसरे दिवशी गडकरींवर आरोप केले. गडकरींनी त्याला महत्त्व दिले नाही तर तो मुद्दा सतत लावून निवडणुकीचा केला आहे. पण वढेराकडे केजरीवाल यांनी लक्ष वेधून लोकांना विसरायलाही लावले. केजरीवाल यांना मॅडम सोनियानी पद्धतशीर मॅनेज केले. तेव्हाच हे काँग्रेसचे पिल्लू आहे हे स्पष्ट झाले होते. फक्त आपण वेगळे आहोत हे भासवण्यासाठी काँग्रेसवर टिकेने सुरूवात केली. मूळ लक्ष होते ते भाजप आणि नरेंद्र मोदीच.

दिल्लीत काँग्रेसचा पाठिंबा घेवून 49 दिवस सरकार चालवणारे केजरीवाल यांचे पितळ उघडे पडले ते तेव्हाच की जेव्हा त्यांनी काँग्रेसचा पाठिंबा घेतला. काँग्रेसच्या भ्रष्टाचाराविरोधात लढणारा आप, काँग्रेसच्या पाठिंब्यावर का सरकार बनवतो? 49 दिवसांनंतर सरकार सोडण्याऐवजी तेव्हाच नकार दिला असता तर विश्‍वास बसला असता. पण ते काँग्रेसचे पिलू आहे.
आता आणखी एक गोष्ट स्पष्ट करते की, आम आदमी पार्टीने म्हणजे आपने सोनिया गांधींच्या विरोधात उमेदवार उभा केलेला नाही. का? आप-मतलब. पी चिदंबरम यांच्या विंरोधात उमेदवार उभा केलेला नाही, का? तर आप-मतलब. ज्या सलमान खुर्शिदने गरीबांना वाटाण्याच्या अक्षदा मारल्या त्या सलमान खुर्शिद विरोधात उमेदवार उभा केला नाही. का? आप-मतलब.
महाराष्ट्रात आदर्श घोटाळ्यातील महत्त्वाचे असलेले काँग्रेस नेते अशोक चव्हाण यांच्याविरोधात नांदेडमध्ये उमेदवार दिला नाही. देशद्रोही आणि हिंदूविरोधी भूमिका घेणारा ओवैसी याच्या विरोधात आम आदमी पार्टीचा उमेदवार नाही.
हे सगळे काँग्रेसच्या तिकिटावर लढणारे उमेदवार आहेत. त्याच्याविरोधातील मते आम आदमीकडून वळू नयेत यासाठी आम आदमीने आपला उमेदवार उभा केला नाही. हे सगळे केजरीवाल यांनी काँग्रेसला वाचविण्यासाठी केलेले काम आहे. काँग्रेस इतकाच केजरीवाल यांच आम आदमी पक्ष देशासाठी घातक आहे. कारण जो पक्ष नरेंद्र मोदींच्या विरोधात राळ उठवतो, तो काँग्रेसबद्दल गप्प बसतो. ज्याप्रमाणे दिल्ली विधानसभा निवडणुकीत भाजपकडे जाणारी मते थोपविण्यासाठी काँग्रेसने आपच्या 28 जागा निवडून आणल्या व भाजपला सत्तपासून रोखले, तोच प्रकार पुन्हा करण्यासाठी आम आदमी पार्टीने लोकसभेत केलेला आहे. दिल्ली ही रंगीत तालिम होती.
केजरीवाल यांना दिल्लीत सरकार बनवायचेच नव्हते. पण ती एक लोकसभेची ट्रायल होती. तोच प्रकार करून काँग्रेस आपल्या ऐवजी आपच्या नावाने उमेदवार उभे करत आहे. आप चा आप मतलब हा आहे. त्यामुळे देशभरात सर्वांनीच लक्षात घेतले पाहिजे की आप म्हणजे काँग्रेस आहे.