जम्मू आणि काश्मीर वगळता, गेल्या दशकात देशाचा उर्वरित भाग दहशतवादी हल्ल्यांपासून जवळजवळ मुक्त आहे. तथापि, दिल्लीतील लाल किल्ल्याजवळ झालेल्या कार बॉम्बस्फोटाने भूतकाळातील आठवणी परत जागवल्या, जेव्हा एक किंवा मालिका स्फोट नियमितपणे देशाला हादरवून टाकत असत. देशातील उर्वरित भागांत कोणत्याही मोठ्या दहशतवादी घटना नसल्यामुळे जनतेला खात्री पटली होती की, दहशतवादी आता हल्ले करू शकणार नाहीत. तथापि, काश्मीर खोºयातून उत्तर प्रदेशातील सहारनपूर, हरियाणातील फरीदाबाद, गुजरात आणि दिल्लीपर्यंत विध्वंसक साहित्य जप्त करणे आणि संशयित दहशतवाद्यांना अटक करणे यावरून त्यांच्या चिंता पुन्हा वाढल्या आहेत.
गेल्या काही काळापासून देशाच्या विविध भागांतून एका किंवा दुसºया दहशतवादी मॉड्यूलच्या अटकेच्या बातम्या येत आहेत हे दुर्लक्ष करता येणार नाही. अलीकडेच गुजरातमध्ये हैदराबादमधील एका डॉक्टरला प्राणघातक रसायने बनवण्यासाठी साहित्य आणि शस्त्रांसह पकडण्यात आले होते. त्याच्या दोन साथीदारांना, जे दोघेही उत्तर प्रदेशातील होते त्यांनाही अटक करण्यात आली होती.
या वर्षी एप्रिलमध्ये जम्मू आणि काश्मीरमधील पहलगाममध्ये दहशतवाद्यांनी त्यांच्या धर्मावर प्रश्नचिन्ह उपस्थित करून २६ जणांची हत्या केली, तेव्हा भारताने आॅपरेशन सिंदूरने प्रत्युत्तर दिले, जे सीमापार दहशतवादाला आतापर्यंतचा सर्वात मोठा धक्का होता, ज्यामध्ये पाकिस्तानमधील जैश-ए-मोहम्मद आणि लष्कर-ए-तैबासारख्या दहशतवादी गटांचे मुख्य तळ उद्ध्वस्त करण्यात आले. तेव्हापासून ते निश्चितच मोठ्या सूडाच्या हल्ल्याचा कट रचत असतील. लाल किल्ल्यावरील स्फोटाची पद्धत आणि आतापर्यंत समोर आलेली कटाची कहाणी सहा वर्षांपूर्वी पुलवामा येथे झालेल्या जिहादी दहशतवादी हल्ल्याशी जोड असल्याचे दर्शवते. संपूर्ण सत्य तपासानंतरच उघड होईल, परंतु त्यामागील घटना एकमेकांशी जोडल्या गेल्याचे दिसून येते.
श्रीनगरमध्ये जैश-ए-मोहम्मदच्या समर्थनार्थ पोस्टर्स लावल्यानंतर पोलिसांनी काही दहशतवादी समर्थक आणि दगडफेक करणाºयांना अटक केली. त्यांनी संशयास्पद कारवायांमध्ये सहभागी असलेल्या एका धर्मगुरूची ओळख पटवली. त्याची चौकशी केल्यानंतर अनंतनाग येथील रहिवासी डॉ. आदिल याला उत्तर प्रदेशातील सहारनपूर येथून अटक करण्यात आली. पोलिसांनी त्याला श्रीनगरला आणून चौकशी केली, तेव्हा अनंतनाग येथील सरकारी रुग्णालयात त्याच्या लपण्याच्या ठिकाणावरून एक असॉल्ट रायफल जप्त करण्यात आली. पुढील तपासात पुलवामा जिल्ह्यातील रहिवासी डॉ. मुझम्मिलचा शोध लागला.
या माहितीच्या आधारे, पोलिसांनी फरीदाबादच्या धौज येथील अल फलाह मेडिकल कॉलेजवर छापा टाकला आणि ३६० किलोग्रॅम स्फोटके, एक एके-४७ रायफल, ८४ काडतुसे, एक टायमर, जिलेटिन स्टिक्स आणि इतर साहित्य जप्त केले. त्यानंतर तपासात पोलिसांना फरीदाबादमधील फतेहपूर तगा गावात एका घरात स्फोटकांचा ढीग सापडल्याने त्यांना धक्का बसला. फतेहपूर तगा गाव धौजपासून चार किलोमीटर अंतरावर आहे. डॉ. मुझम्मिल याने मौलाना इश्तियाक यांच्याकडून हे घर भाड्याने घेतले होते. सुमारे ३,००० किलो अमोनियम नायट्रेट स्फोटकांची जप्ती ही सर्वात मोठ्या जप्तींपैकी एक आहे.
या प्रकरणात आतापर्यंत अटक केलेले लोक उच्चशिक्षित आणि श्रीमंत कुटुंबातील आहेत. मुझम्मिल हा एक डॉक्टर आहे आणि फरीदाबादमधील अल फलाह मेडिकल कॉलेजमध्ये शिकवतो. अटक केलेल्यांपैकी कोणीही शोपियान येथील मौलवी इरफान अहमद, श्रीनगर येथील मकसूद अहमद दार, आरिफ निसार दार आणि यासिर उल अश्रफ आणि गंदरबल येथील जमीर अहमद अहंगर-गरीब, बेरोजगार किंवा अशिक्षित नाही.
लाल किल्ला स्फोटात मारला गेलेला डॉ. उमर नबी हा फरीदाबादमधील अल फलाह मेडिकल कॉलेजमध्ये एमडी मेडिसिनची पदवी असलेला डॉक्टर होता. डॉ. आदिल हा त्याचा सहकारी आहे. त्यांच्यातील एक सहकारी डॉ. शाहीन ही लखनऊची आहे. तिच्या कारमधून एक रायफल जप्त करण्यात आली आहे. फरीदाबाद मॉड्यूलमध्ये इतर अनेक डॉक्टरांचा सहभाग असू शकतो. त्यांनी हे दहशतवादी मॉड्यूल का तयार केले हे तपासानंतरच स्पष्ट होईल. त्यांनी इतके स्फोटके आणि शस्त्रे कशी गोळा केली, त्यामागे कोण होते आणि स्फोट घडवण्याचा कट कुठे रचला गेला?
गेल्या तीन दशकांमधील जिहादी घटनांच्या विश्लेषणावरून असा निष्कर्ष निघतो की, दहशतवाद्यांना त्यांच्या कट्टरपंथी धार्मिक विचारसरणीने लाल किल्ल्यावरील स्फोट घडवण्याची प्रेरणा मिळाली होती. म्हणूनच, त्यांनी हे जाणून त्यांच्या कारवाया केल्या की, ते स्वत: स्फोटात मारले जातील किंवा पकडले गेल्यास त्यांना मृत्युदंडाची शिक्षा होईल. आपण हे सत्य स्वीकारले पाहिजे की, सुरक्षा दलांच्या कृती त्यांना काही काळासाठी कमकुवत करू शकतात, परंतु जगाचे इस्लामीकरण करण्याची आणि काफिरांना धडा शिकवण्याची घातक धार्मिक विचारसरणी नष्ट करणे सोपे काम नाही.
फरीदाबादमध्ये एका माणसाने घर भाड्याने घेतले आणि मोठ्या प्रमाणात स्फोटके आणत राहिला, परंतु घरमालकाने किंवा इतर कोणीही त्याला थांबवण्याचा किंवा पोलिसांना कळवण्याचा प्रयत्न केला नाही. या दहशतवाद्यांना स्थानिक रहिवाशांकडून पाठिंबा मिळाला असण्याची शक्यता आहे. भारत आणि जगातील बहुतेक दहशतवादी घटनांमध्ये स्थानिकांचा पाठिंबा आहे हे दुर्लक्षित करता येणार नाही. जेव्हा पाकिस्तानचे जिहादी जनरल असीम मुनीर म्हणतात की, मुस्लीम हिंदूंसोबत राहू शकत नाहीत, मदिना नंतर कलमाच्या आधारावर निर्माण झालेले पाकिस्तान हे दुसरे राज्य आहे आणि काश्मीर ही त्यांच्या गळ्यातील रक्तवाहिनी आहे, तेव्हा दहशतवादाविरुद्धची लढाई किती कठीण आहे हे समजून घेतले पाहिजे.
अमेरिका आणि तुर्कीसारख्या देशांकडून पाकिस्तानला मिळणारा पाठिंबा दहशतवाद्यांना प्रोत्साहन आणि पाठिंबा देणारा ठरला आहे. भारतातील सर्व नागरिकांसह सुरक्षा व्यवस्थेत सहभागी असलेल्या प्रत्येक व्यक्तीने नेहमीच सतर्क आणि सक्रिय राहण्याची आवश्यकता आहे. ही एक तातडीची गरज आहे. आपल्या आजूबाजूला जिहादी मानसिकतेने सज्ज असलेले कोण भयानक हिंसाचाराचे कट रचत असेल हे आपल्याला कधीच कळत नाही. एक राष्ट्र म्हणून भारताचा दहशतवाद पूर्णपणे नष्ट करण्याचा निर्धार आहे. दहशतवादाविरुद्धच्या लढाईत प्रत्येक नागरिक सतर्कता दाखवेल, तेव्हा हा निर्धार अधिक दृढ होईल.
कोणत्याही टिप्पण्या नाहीत:
टिप्पणी पोस्ट करा