दोन महिन्यांत जगात ३० लाख ५२ हजार ७८१ जणांचा मृत्यू

सर्वाधिक बळी कॅन्सरचे, तर सर्वात कमी कोरोनाचे

मुंबई - गेले दोन महिने संपूर्ण जगभर कोरोना व्हायरसची भीती निर्माण झाली आहे, परंतु नुकत्याच प्रसिद्ध झालेल्या एका आकडेवारीनुसार संपूर्ण जगात कोरोनाचे मृत्यू फक्त २३६० आहेत, तर कॅन्सरमुळे झालेल्या बळींची संख्या ११ लाख ७७ हजार १४१ इतकी आहे. ही आकडेवारी २०२० या वर्षातील पहिल्या दोन महिन्यांतील असून, आजही कॅन्सरमुळे जाणाºया बळींची संख्याच अधिक असल्याचे अहवालातून दिसत आहे. हा अहवाल हमबर्ग युनिव्हर्सिटीने घेतलेल्या आकडेवारीचा आहे.संपूर्ण जगभरात आज कोरोनाची दहशत आहे. जगभरात कोरोनाने मृत पावलेल्या रुग्णांचा आकडा ५ हजारांच्या वर सांगितला जात आहे. याचा अर्थ मार्च महिन्याच्या पंधरा दिवसांत अडीच हजारांपेक्षा जास्त रुग्ण दगावले असावेत, पण जगात सर्वाधिक बळी हे कॅन्सरचेच असल्याचे या आकडेवारीतून दिसून आले आहे.या आकडेवारीनुसार कोरोना व्हायरसने मृत पावलेल्या रुग्णांची संख्या २३६० आहे, तर साध्या थंडी तापाने ६९ हजार ६०२ लोक जगभरात मरण पावले. मलेरियाने बळी गेलेल्यांची संख्या १ लाख ४० हजार ५८४ आहे. आत्महत्या केलेल्यांची संख्या १ लाख ५३ हजार ६९६ आहे. रस्ते अपघातात मेलेल्यांची संख्या १ लाख ९३ हजार ४७९ आहे. एचआयव्ही एड्सने गेलेल्यांची संख्या २ लाख ४० हजार ९५० आहे. दारू पिल्याने मेलेल्यांची संख्या ३ लाख ५८ हजार ४७१ आहे, तर धूम्रपानामुळे हृदयविकार आणि तत्सम आजाराने ७ लाख १६ हजार ४९८ बळी घेतले आहेत, मात्र सर्वाधिक बळी ११ लाख ७७ हजार १४१ हे कॅन्सरनेच गेलेले आहेत.कोरोनाचा या दोन महिन्यांत खूप बाऊ केला गेला आहे, तरीही या आकडेवारीवरून कोरोनाच्या नवीन वर्षातील पहिल्या दोन महिन्यांतील जगभरातील बळींची संख्या ही खूपच कमी आहे.